سلام سایین گورنلره

بو یازی منیم بیرینجی یازیمدی و بوندا ساری گلین ماهنیسی نین شعرین یازیرام.بو ماهنی منیم اورگیمه یاتان ماهنی لارین بیری سی دی.
ساری گلین آذربایجان اساطیرینده گونشدیر.
اساطیره گؤره گونش یارادیلیشین اوچونجو مین ایللیگینده اوغورلانیر. گونشی اسارتدن آزاد ائتمک ایسته یی و اونون حسرتی آذربایجان موسیقیسینده ماتئریالیزه اولور. ساری گلین ماهنیسی اوچون آذربایجاندا گؤزل بیر رقص وار. بو رقصده کی فیگورلار تمنا و ایستک حیسینی اویادیر. قوللار گؤیه دوغرو آچیلیر و ۴/۳ مئلودیله یوموشاق یئریش و فیگورلار گؤستریلیر.
“ساری گلین” ماهنی سی ایللر بویو دیللرده دئیلیب و خلق صنعت کارلاری او جمله دن “قدیر رستم اف” هابئله باشقا صنعتکارلار اونو اوخویوبلار. حسین علیزاده نین “Endless Vision” آلبومیندا، ایلقار مرادوف ایله افسانه رسایی (تورکجه و فارسجا) و جیوان گاسپاریان (ارمنی) دیللرده اوخویوبلار.

ساری گلین

ساچین اوجون هؤرمزلر؛
گولو سولو (قونچا) درمزلر
ساری گلین
بوسئودا نه سئودادیر ؟
سنی منه وئرمزلر
نئیلیم آمان ، آمان
ساری گلین
بو دره نین اوزونو،
چوبان قایتار قوزونو،
نة اوْلا بیر گون گؤرم
نازلی یاریمین اوزونو
نئیلیم آمان ، آمان
ساری گلین
عاشیق ائللر آیریسی،
شانا تئللر آیریسی،
آیریسی بیر گونونه دؤزمزدیم؛
اوْلدوم ایللر آیریسی
نئیلیم آمان ، آمان
ساری گلین